சென்னை, நவ.13 –

டாஸ்­மாக் கடை­க­ளில் வசூ­லான ரூ.1.50 கோடி பணத்தைகாரு­டன் கடத்­திச் சென்ற மர்ம கும்­பல், பின்­னர் காரை சாலை­யோ­ரம் நிறுத்­தி­விட்டு பணத்தை மட்­டும் எடுத்­துக்­கொண்டு தப்­பி­யுள்­ள­னர்.

த.வெ.க. ஆட்­சி­யில் தினம் தினம் கொலை­க­ளும், கொள்­ளை­க­ளும் அரங்­கேறி வரு­வ­தற்கு இது­வும் ஒரு சான்­றா­கும்.

தமிழ்­நாடு முழு­வ­தும் ரவு­டி­கள் பிடி­பட்டு வரு­வ­தாக கூறப்­பட்ட நிலை­யில் இக்­கொள்ளை நடை­பெற்­றுள்­ளது குறிப்­பி­lடத்தக்­கது.

டாஸ்­மாக் மதுக்­க­டை­க­ளில் வசூ­லா­கும் பணம் தனி­யார் ஏஜென்சி நிறு­வ­னம் மூலம் சேக­ரிக்­கப்­பட்டு, டாஸ்­மாக் அலு­வ­ல­கத்­தில் செலுத்­தப்­பட்டு வரு­கி­றது. இதற்­காக தனி­யார் நிறு­வ­னத்­தின் சார்­பில் ஊழி­யர்­கள் நிய­மிக்­கப்­பட்­டுள்­ள­னர்.

அந்த வகை­யில், நேற்று முன்­தி­னம் இரவு சென்னை புற­ந­கர் பகு­தி­க­ளில் உள்ள டாஸ்­மாக் கடை­க­ளில் பணம் வசூ­லிக்­கும் பணி­யில் தனி­யார் நிறு­வன ஊழி­யர் தாஸ், கார் டிரை­வர் அபீப் ஆகி­யோர் இரவு 10 மணி­ய­ள­வில் 22 டாஸ்­மாக் கடை­க­ளில் வசூ­லான மொத்­தம் ரூ.1 கோடியே 50 லட்­சம் பணத்தை பையில் வைத்­துக்­கொண்டு, ஒர­க­டம் மேம்­பா­லம் அருகே உள்ள மற்­றொரு டாஸ்­மாக் கடைக்­குச் சென்­ற­னர்.

மதுக்­கடை அருகே காரை நிறுத்­தி­விட்டு தாஸ் மட்­டும் கடைக்­குச் சென்­ற­தாக கூறப்­ப­டு­கி­றது. அப்­போதுகார் டிரை­வர் அபீப் மட்­டும் காரில் இருந்­தார். காருக்­குள் ரூ.1.50 கோடி பணம் இருந்­தது.

அந்த நேரத்­தில் ஒரே மோட்­டார் சைக்­கி­ளில் வந்த 3வாலி­பர்­கள் திடீ­ரென காரின் மீது மோதி­னர். இத­னால் அதிர்ச்­சி­ய­டைந்த டிரை­வர் அபீப், அவர்­க­ளைக் கண்­டித்­தார். இதை­ய­டுத்து 3 பேரும் அவ­ரு­டன் கடும் வாக்­கு­வா­தத்­தில் ஈடு­பட்­ட­னர்.

இந்­தச் சந்­தர்ப்­பத்­தைப் பயன்­ப­டுத்­திக்­கொண்ட இரு­வர் திடீ­ரென காரை ஓட்­டிக்­கொண்டு அங்­கி­ருந்து தப்­பி­னர். மற்­றொரு வாலி­பர் மோட்­டார் சைக்­கி­ளில் தப்­பிச் சென்­றார். இந்­தச் சம்­ப­வத்­தால் டிரை­வர் அபீப் அதிர்ச்­சி­ய­டைந்­தார். இது குறித்து உட­ன­டி­யாக ஊழி­யர் தாசுக்கு தக­வல் தெரி­வித்­தார்.

இதற்­கி­டையே, கொள்­ளை­யர்­கள் படப்பை அருகே உள்ள கார­ணித்­தாங்­கல் பகு­தி­யில் காரை சாலை­யோ­ரம் நிறுத்­தி­விட்டு, அதில் இருந்த ரூ.1.50 கோடி பணத்தை மட்­டும் எடுத்­துக்­கொண்டு தப்­பிச் சென்­றது தெரி­ய­வந்­தது.