சென்னை, நவ.14–
‘‘கள்ளக்குறிச்சி மாவட்டபெண் ஆட்சி யருக்கு ஆபாச குறுஞ்செய்தி அனுப்பிய த.வெ,க. எம்,எல்.ஏ.வுக்கும் மனுக்கொடுக்க வந்தவரைத் தாக்கிய பேரவை துணைத் தலைவருக்கும் பட்டுவேட்டி, சட்டை வழங்கி தீபாவளி வாழ்த்தும் தெரிவித்தும் அனுப்பியுள்ளார் முதல்வர் விஜய்!
இதுபற்றிய விவரம் வருமாறு:–
த.வெ.க. எம்.எல்.ஏ.க்கள் கூட்டத்தில் முதல்வர் விஜய் ஒவ்வொரு எம்.எல்.ஏ.வையும் தனித்தனியாக சந்தித்து பேசினார். சர்ச்சை எம்.எல்.ஏ.க்கள் மீது அதிரடி நடவடிக்கை எடுப்பார் என்றஎதிர்பார்ப்பு நிலவிய சூழ்நிலையில் எந்த வித ஆக்சன் இல்லாமல் அவர்களுக்கு தீபாவளி பரிசாக பட்டு வேட்டி- புடவை வழங்கி அனுப்பியது சமூக வலைதளங்களில் பெரும் விமர்சனத்தை உண்டாக்கியுள்ளது. கள்ளக்குறிச்சி மாவட்ட பெண் ஆட்சியருக்கு கள்ளக்குறிச்சி த.வெ.க. எம்.எல்.ஏ. அருள் விக்னேஷ் ஆபாச குறுஞ்செய்தி அனுப்பிய விவகாரம் சர்ச்சையாகியுள்ளது.
அதுபோல துறையூரில் அடிப்படை வசதிகள் தொடர்பாக புகாரளிக்க சென்ற நபரை துணை சபாநாயகர் ரவிசங்கர் தாக்கிய விவகாரம் பெரும் பரபரப்பை ஏற்படுத்தியுள்ளது. அடுத்தடுத்து புகார்கள் எழுந்து வருவது த.வெ.க. தலைமைக்கு நெருக்கடியை ஏற்படுத்தியுள்ளது. இதை தொடர்ந்து, கட்சியின் சட்டமன்ற உறுப்பினர்கள் அனைவரையும் அழைத்து அவசர ஆலோசனைக் கூட்டம் நடத்த த.வெ.க. தலைமை முடிவு செய்தது.
மாமல்லபுரத்தில் உள்ள தனியார் விடுதியில் நேற்று முன்தினம் மாலை 4 மணி அளவில் முதல்வர் விஜய் தலைமையில் ஆலோசனை கூட்டம் தொடங்கியது. எம்.எல்.ஏ.க்கள் அனைவரையும் தனித்தனியாக முதல்வர் விஜய் அழைத்து பேசியதாக கூறப்படுகிறது.
சர்ச்சை எம்எல்ஏக்கள் மீது நடவடிக்கை எடுப்பது தொடர்பாக எந்தவித ஆலோசனையும் முதல்வர் விஜய் செய்யவில்லை என்ற தகவல் அனைத்து தரப்பினர் மத்தியில் கொந்தளிப்பை ஏற்படுத்தியுள்ளதாக கூறப்படுகிறது. அதிரடி ஆக்சன் இருக்கும் என்ற எதிர்பார்ப்பு இருந்த நிலையில், ஒன்றுமில்லாமல் எம்.எல்.ஏ.க்களுக்கு அறிவுரை கூறி அனுப்பியது எந்தவகையில் நியாயம்? வார்னிங் மட்டும் தானாஎன்று சமூக வலைதளங்களில்
நெட்டிசன்கள் வறுத்தெடுத்து வருகின்றனர்.
கூட்டத்தின் முடிவில் அனைத்து த.வெ.க. எம்.எல்.ஏ.க்களுக்கும் தீபாவளி பரிசாக முதல்வர் விஜய் பட்டு வேஷ்டி - சட்டை மற்றும் பட்டு சேலை வழங்கினார். அவ்வளவு தான் பஞ்சாயத்து முடிந்தது என்ற திரைப்பட வசனத்துக்கு ஏற்ப ஒவ்வொரு எம்.எல்.ஏ.க்களு டன் முதல்வர் விஜய் தனித்தனியாக புகைப்படம் எடுத்து கொண்டு, நட்சத்திர விடுதியை விட்டு ஒவ்வொருவராக வெளியேறினர்.